सीएसएमटी येथे एनआरएम युनियनची भव्य रॅली

सीएसएमटी येथे एनआरएम युनियनची भव्य रॅली

मुकेश श्रीकृष्ण धावडे
मुंबई प्रतिनिधी, ता.3
भारतीय रेल्वेत रेल कामगार युनियनच्या मान्यतेची निवडणूक (ता.4 ते 6) डिसेंबर 2024 रोजी होणार आहे. तत्पूर्वी रेल्वे कामगारांच्या प्रत्येक प्रश्नावर आवाज उठवणाऱ्या 'नॅशनल रेल्वे मजदूर' युनियनच्या वतीने युनियनचे सरचिटणीस कॉ. वेणू पी. नायर यांच्या नेतृत्वाखाली (ता.1) डिसेंबर 2024 रोजी संध्याकाळी सीएसएमटी उपनगरीय लॉबीसमोर रेल्वे कामगारांची एक भव्य रॅली काढण्यात आली होती यात मोठ्या संख्येने कर्मचाऱ्यांनी सहभाग नोंदवून रॅली यशस्वी केली. दरम्यान
कॉम. वेणू पी. नायर यांनी रेल्वे कर्मचाऱ्यांना “एक उद्योग, एक युनियन” साठी 70 % पेक्षा जास्त मतांनी एनआरएम युनियनला निवडण्याचे आवाहन केले.
ही रॅली मध्य रेल्वेच्या मुंबई, नागपूर, पुणे, भुसावळ आणि सोलापूर विभागात महिनाभर चाललेल्या व्यापक मोहिमेच्या समारोपाचे प्रतीक होते. विविध विभागांतील शेकडो रेल्वे कामगार सहभागी झाले होते, त्यांनी "एक उद्योग, एक युनियन" या मूळ उद्दिष्टाप्रती त्यांची अटूट बांधिलकी दर्शविली. ता.4, 5 आणि 6 डिसेंबर 2024 रोजी होणाऱ्या महत्त्वाच्या रेल्वे युनियन मान्यता निवडणुकांसाठी 70 % पेक्षा जास्त मते मिळविण्यासाठी ते तयार असल्याने एनआरएम युनियन सदस्यांची ताकद, एकता आणि दृढनिश्चय या रॅलीमध्ये दिसून आला.
या उत्साही मेळाव्याला संबोधित करताना कॉ. वेणू पी. नायर म्हणाले, 'कामगारांचा आवाज ही रेल्वे उद्योगाची जीवनरेखा आहे. आमची मोहीम एकता आणि सामायिक दृष्टीचा प्रवास आहे. रेल्वे कर्मचाऱ्यांचा प्रचंड पाठिंबा युनियनला लढण्याचे बळ देते.