येरवडा कात्रज दरम्यान विशेष भुयारी मार्ग करण्याचे महत्व पूर्ण निर्णय......

येरवडा कात्रज दरम्यान विशेष भुयारी मार्ग करण्याचे महत्व पूर्ण निर्णय......
शिरूर प्रतिनिधी - रमेश बनसोडे
पुणे शहराच्या विकासासाठी मुख्यमंत्री देवेंद्र फडणवीस यांच्या महत्त्वपूर्ण सूचना
येरवडा ते कात्रज भुयारी मार्ग: पुणे शहरातील वाहतूक कोंडी कमी करण्यासाठी येरवडा ते कात्रज दरम्यान भुयारी मार्ग तयार करण्याचे निर्देश मुख्यमंत्री देवेंद्र फडणवीस यांनी दिले आहेत. हा मार्ग 'ट्विन टनल' पद्धतीने आणि नवीन तंत्रज्ञानाचा वापर करून बांधला जाईल.
नवीन पुरंदर विमानतळ: नवीन पुरंदर विमानतळाच्या रस्ते विकासासाठी 636.84 कोटी रुपयांचा निधी मंजूर करण्यात आला आहे. तसेच, विमानतळाला पुणे-सातारा आणि पुणे-नगर रस्त्यांशी चांगली कनेक्टिव्हिटी देण्याचे निर्देश देण्यात आले आहेत.
इतर विकास कामे: रांजणगाव आणि हिंजवडी औद्योगिक क्षेत्रातील रस्त्यांसाठी 203 कोटी रुपये, तर 'अर्बन ग्रोथ सेंटर'साठी 1526 कोटी रुपयांची तरतूद करण्यात आली आहे.
शहराचा विकास: नवीन शहर नियोजन करताना रस्ते 18 मीटर रुंदीचे असावेत आणि भविष्यातील लोकसंख्येचा विचार करून पायाभूत सुविधांचा विकास करावा, असे मुख्यमंत्र्यांनी सांगितले.
पाणीपुरवठा योजना: पिण्याच्या पाण्यासाठी पाणीपुरवठा योजनांची कामे तातडीने पूर्ण करण्याचे आदेश देण्यात आले आहेत.
विकास शुल्क: विकास शुल्क नागरिकांना परवडेल अशा पद्धतीने ठेवण्याच्या सूचना देण्यात आल्या आहेत.
विकास योजना दोन टप्प्यात: विकास योजना तयार करताना लागणारा वेळ लक्षात घेऊन, योजना दोन टप्प्यात पूर्ण करावी. पहिल्या टप्प्यात रस्ते, मलनिस्सारण, पाणीपुरवठा, वीजपुरवठा, स्मशानभूमी, दफनभूमी आदींचा समावेश असावा, तर दुसऱ्या टप्प्यात इतर सुविधांचा समावेश करावा.
नियुक्ती: प्राधिकरणांना आवश्यकतेनुसार आकृतीबंध मंजूर करून देण्यात आलेला आहे. सध्या प्रतिनियुक्तीवर पदभरती करून या नियुक्त्या नियमित करून घ्याव्यात.
जमीन: प्राधिकरणांना विकासात्मक कामांचे नियोजन करण्यासाठी उपलब्ध असलेली शासकीय जमीन विनामूल्य देण्याचा निर्णय घेण्यात आला आहे.
सल्लागार एजन्सी: विकास योजनांचे नियोजन करताना चांगल्या दर्जाची सल्लागार एजन्सी नियुक्त करावी.
पाण्याचा पुनर्वापर: प्राधिकरणांनी भविष्यातील लोकसंख्येचा विचार करता पाण्याचा पुनर्वापर करण्यावर भर द्यावा, यासाठी नवनवीन तंत्रज्ञानाचा उपयोग करीत प्रकल्प कार्यान्वित करावे. पाण्याची उपलब्धता बघूनच बांधकाम परवानगी देण्यात यावी.
इतर शहरां संबंधित सूचना
नागपूर शहरात फुलांचे मार्केट तयार करण्यासाठी जागा निश्चित करावी.
नाशिक प्रदेशात 'स्पिरिच्युअल सिटी' करण्यासाठी जमीन संपादित करावी. तसेच, शासकीय जागा सांडपाणी प्रक्रिया प्रकल्पासाठी राखीव ठेवावी. कुंभमेळ्याच्या अनुषंगाने विकास योजना तयार करावी.
या बैठकीत उपमुख्यमंत्री अजित पवार, उच्च व तंत्र शिक्षण मंत्री चंद्रकांत पाटील, सामाजिक न्याय मंत्री संजय शिरसाट, महसूल मंत्री चंद्रशेखर बावनकुळे, नगर विकास राज्यमंत्री माधुरी मिसाळ आदींसह अधिकारी उपस्थित होते.