પહેલગામ આતંકી હુમલા માં સુરક્ષા એજન્સીઓ દ્વારા જાહેર કરાયેલા આતંકવાદીઓના સ્કેચ હુમલામાં સામેલ આતંકવાદીઓથી અલગ?

પહેલગામ આતંકી હુમલા માં સુરક્ષા એજન્સીઓ દ્વારા જાહેર કરાયેલા આતંકવાદીઓના સ્કેચ હુમલામાં સામેલ આતંકવાદીઓથી અલગ?

પહેલગામ આતંકી હુમલા (22 એપ્રિલ, 2025) અંગે એક ચોંકાવનારો ખુલાસો સામે આવ્યો છે કે સુરક્ષા એજન્સીઓ દ્વારા જાહેર કરાયેલા આતંકવાદીઓના સ્કેચ હુમલામાં સામેલ આતંકવાદીઓથી અલગ હોવાનું જણાયું છે. આ ઘટના જમ્મુ-કાશ્મીરના પહેલગામના બૈસરન વિસ્તારમાં બની હતી, જેમાં 26 લોકો માર્યા ગયા અને 20થી વધુ ઘાયલ થયા હતા.

ઇન્ડિયન એક્સપ્રેસના અહેવાલ મુજબ, જાહેર કરાયેલા સ્કેચમાં નામ આપવામાં આવેલા આતંકવાદીઓ (જેમ કે આસિફ ફોજી, સુલેમાન શાહ, અબુ તલ્હા) હુમલામાં સામેલ ન હોવાની શક્યતા છે. આ લાપરવાહી ગુપ્તચર તંત્રની નિષ્ફળતા કે મોટા કાવતરાનો ભાગ હોવાની ચર્ચા ચાલી રહી છે.

તપાસમાં જાણવા મળ્યું છે કે હુમલાનો માસ્ટરમાઇન્ડ અનંતનાગનો 20 વર્ષનો યુવાન આદિલ થોકર હોઈ શકે છે, જેણે પાકિસ્તાન સ્થિત લશ્કર-એ-તૈયબાના કમાન્ડરો સૈફુલ્લાહ કસૂરી અને અબુ મુસા સાથે મળીને હુમલાની યોજના બનાવી હતી. આદિલ હાલ ફરાર છે અને પીર પંજાલની પહાડીઓમાં છુપાયેલો હોવાની આશંકા છે.

આ ઉપરાંત, ધ રેઝિસ્ટન્સ ફ્રન્ટ (TRF), જે લશ્કર-એ-તૈયબાનું પેટાજૂથ છે,એ પહેલા હુમલાની જવાબદારી લીધી હતી, પરંતુ બાદમાં તેણે પોતાનો દાવો પાછો ખેંચી લીધો, દાવો કર્યો કે તેમના ડિજિટલ પ્લેટફોર્મ પર સાઇબર એટેકને કારણે ખોટો સંદેશ પોસ્ટ થયો હતો.

આ ઘટનાએ ગુપ્તચર તંત્રની કામગીરી પર સવાલો ઉભા કર્યા છે, અને તપાસ હજુ ચાલુ છે. આવી લાપરવાહી કેવી રીતે થઈ તે અંગે વધુ માહિતીની રાહ જોવાઈ રહી છે.