தாம்பரத்தில் ஸ்ரீ வெங்கடேஸ்வரா நகர் லேஅவுட் முறைகேடு! — ஒரு தெருவே காணாமற்போனது!! தாம்பரம் மாநகராட்சிக்கு உட்பட்ட ஸ

தாம்பரத்தில் ஸ்ரீ வெங்கடேஸ்வரா நகர் லேஅவுட் முறைகேடு! — ஒரு தெருவே காணாமற்போனது!!

தாம்பரம் மாநகராட்சிக்கு உட்பட்ட ஸ்ரீ வெங்கடேஸ்வரா நகர் குடியிருப்பு பகுதியில் நடைபெறும் நில குற்றச்செயல்கள் தற்போது மீண்டும் பரபரப்பாகியுள்ளன. மக்கள் அச்சுறுத்தலுடன் பேசும் விவரம்: “ஒரே சொத்து இரு பேருக்கு விற்கப்பட்டுள்ளது” என்பது மட்டும் அல்ல, இப்போது ஒரு முழு தெருவே காணாமல் போயுள்ளது!

இத்திட்டப் பகுதி, எஸ்.ஆர். ராஜா சிமெண்ட் குடோன் அருகே அமைந்துள்ளது. பல ஆண்டுகளாக இந்த “மணிகள் லேஅவுட்” பகுதியில் நில விற்பனை தொடர்பான தவறுகள் குறித்த புகார்கள் எழுந்து வந்தன. குறிப்பாக டபுள் டாக்குமென்ட் பிரச்சனை மிகுந்தளவில் இருந்தது – அதாவது ஒரே பிளாட்டுக்கு இரு அல்லது அதற்கு மேற்பட்ட ஆவணங்கள் தயார் செய்யப்பட்டிருக்கின்றன.

இந்த நிலவரம் குறித்து மக்கள் ஏற்கனவே கவலையில் இருந்த நிலையில், சமீபத்தில் ஒரு தெருவே மாயமாகிவிட்டது என்பதும், அதில் இருந்த 12 பிளாட்டுகள் கண்மாயாகியுள்ளன என்பதும் மிகவும் அதிர்ச்சியை ஏற்படுத்தியுள்ளது. அந்தப் பகுதிக்கு செல்வதற்கே வழி தெரியாமல் பொதுமக்கள் தவிக்கிறார்கள்.

மக்கள் கேள்வி:

> "அந்த தெருவும், அந்த பிளாட்டுகளும் எங்கே போனது?
அரசாங்கம் என்ன செய்யப் போகிறது?"



இது தொடர்பாக ஆவணங்கள், ரெஜிஸ்டரார் பதிவுகள், நகராட்சி வரைபடங்கள் அனைத்தும் முழுமையாக ஆய்வு செய்யப்பட வேண்டும் என்பது பொதுமக்களின் வலியுறுத்தல். அத்துடன், இந்த விற்பனை முறைகேடுகளில் குற்றவாளிகள் யாராக இருந்தாலும், சட்டப்படி நடவடிக்கை எடுக்கப்பட வேண்டும் என்றும் மக்கள் கோரிக்கை விடுத்துள்ளனர்.

இது போன்ற நில உரிமை குழப்பங்கள் நகர வளர்ச்சிக்கு பெரும் தடையாகவே இருக்கிறது. இந்நிலையில், தாம்பரம் மாநகராட்சி, செங்கல்பட்டு மாவட்ட நிர்வாகம், மற்றும் மாநில அரசாங்கம் விரைந்து தலையிட்டு, உண்மை நிலவரத்தை வெளிக்கொணர வேண்டும் என்ற எதிர்பார்ப்பு மிகுந்துள்ளத.