ತಾಳಿಕೋಟೆಯ ಸರ್ವಜ್ಞ ವಿದ್ಯಾಪೀಠದಲ್ಲಿ ನಾಡಪ್ರಭು ಕೆಂಪೇಗೌಡ ಜಯಂತಿ ಆಚರಣೆ

ತಾಳಿಕೋಟೆ: ಪಟ್ಟಣದ ಸರ್ವಜ್ಞ ವಿದ್ಯಾಪೀಠ ಕನ್ನಡ ಮತ್ತು ಆಂಗ್ಲ ಮಾಧ್ಯಮ ಪ್ರಾಥಮಿಕ ಹಾಗೂ ಪ್ರೌಢಶಾಲೆಯಲ್ಲಿ ಬೆಂಗಳೂರು ನಿರ್ಮಾತೃ, ನಾಡಪ್ರಭು ಕೆಂಪೇಗೌಡ ಅವರ ಜಯಂತೋತ್ಸವವನ್ನು ಇಂದು ಅತ್ಯಂತ ಶ್ರದ್ಧೆ ಮತ್ತು ಸಡಗರದಿಂದ ಆಚರಿಸಲಾಯಿತು.
ಕಾರ್ಯಕ್ರಮದ ಅಂಗವಾಗಿ ನಾಡಪ್ರಭು ಕೆಂಪೇಗೌಡರ ಭಾವಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸಿ, ದೀಪ ಬೆಳಗಿಸುವ ಮೂಲಕ ಗೌರವ ಸಮರ್ಪಿಸಲಾಯಿತು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಸಂಸ್ಥಾಪಕ ಅಧ್ಯಕ್ಷರಾದ ಶ್ರೀ ಸಿದ್ದನಗೌಡ ಮಂಗಳೂರು, "ಕೆಂಪೇಗೌಡರು ಕೇವಲ ಒಬ್ಬ ಆಡಳಿತಗಾರರಲ್ಲ, ಅವರು ಒಬ್ಬ ಮಹಾನ್ ದραಷ್ಟಾರ. ನೂರಾರು ವರ್ಷಗಳ ಮುಂದನ್ನು ಯೋಚಿಸಿ, ವ್ಯವಸ್ಥಿತವಾದ ಬೆಂಗಳೂರು ನಗರವನ್ನು ಕಟ್ಟಿದ ಅವರ ದೂರದೃಷ್ಟಿ, ಆಡಳಿತ ಚತುರತೆ ಮತ್ತು ಜನಪರ ಕಾಳಜಿ ಇಂದಿನ ಪೀಳಿಗೆಗೆ ಸದಾ ಆದರ್ಶಪ್ರಾಯ," ಎಂದು ನುಡಿದರು.
ಶಾಲೆಯ ಮುಖ್ಯೋಪಾಧ್ಯಾಯರಾದ ಶ್ರೀ ಸಂತೋಷ ಪವಾರ ಅವರು ಮಾತನಾಡಿ, "ವಿದ್ಯಾರ್ಥಿಗಳು ಕೆಂಪೇಗೌಡರ ಜೀವನದಿಂದ ಧೈರ್ಯ, ಶಿಸ್ತು ಮತ್ತು ನಾಯಕತ್ವದ ಗುಣಗಳನ್ನು ಮೈಗೂಡಿಸಿಕೊಳ್ಳಬೇಕು. ಅವರಂತೆ ದೊಡ್ಡ ಕನಸುಗಳನ್ನು ಕಂಡು, ಅವುಗಳನ್ನು ನನಸಾಗಿಸಲು ನಿರಂತರವಾಗಿ ಶ್ರಮಿಸಬೇಕು," ಎಂದು ವಿದ್ಯಾರ್ಥಿಗಳಿಗೆ ಕರೆ ನೀಡಿದರು.
ಈ ಸಂದರ್ಭದಲ್ಲಿ ಮುಖ್ಯೋಪಾಧ್ಯಾಯರಾದ ಶ್ರೀ ರಾಜು ಜವಳಗೇರಿ ಹಾಗೂ ಹಿರಿಯ ಶಿಕ್ಷಕರಾದ ಶ್ರೀ ಭೀಮನಗೌಡ ಸಾಸನೂರ, ಶ್ರೀ ರಸೂಲಸಾ ತುರ್ಕನಗೇರಿ, ಶ್ರೀ ರವಿಕುಮಾರ ಮಲ್ಲಾಬಾದಿ, ಶ್ರೀ ಬಸವರಾಜ ಸವದತ್ತಿ, ಶ್ರೀ ಸಿದ್ದನಗೌಡ ಮೂದನೂರು, ಶ್ರೀ ಸಂಗಮೇಶ ಬಿರಾದಾರ, ಶ್ರೀ ಶರಣಗೌಡ ಕಾಚಾಪುರ, ಶ್ರೀ ಸಂಜೀವಕುಮಾರ ರಾಠೋಡ, ಶ್ರೀ ದೇವಿಂದ್ರ ಗುಳೆದ, ಶ್ರೀ ಶಿವಕುಮಾರ ಕುಂಬಾರ, ಶ್ರೀ ಮಾರುತಿ ಕಾರ್ಬಾರಿ, ಶ್ರೀ ದೇವರಾಜ್ ದೇಸಾಯಿ, ಶ್ರೀ ರವಿಕುಮಾರ ಅನದಿನ್ನಿ, ಶ್ರೀ ಕುಮಾರ ಮೊಕಾಶಿ, ಶ್ರೀ ಮುಬಾರಕ ಬನಹಟ್ಟಿ ಹಾಗೂ ಶ್ರೀ ವಿಶ್ವನಾಥ್ ಭಜಂತ್ರಿ ಉಪಸ್ಥಿತರಿದ್ದರು.
ಶಿಕ್ಷಕಿಯರಾದ ಶ್ರೀಮತಿ ರೂಪಾ ಪಾಟೀಲ, ಶ್ರೀಮತಿ ಶಿವಲೀಲಾ ಚುಂಚನೂರ, ಶ್ರೀಮತಿ ಅನಿತಾ ಚೌದ್ರಿ, ಶ್ರೀಮತಿ ಸಂಗೀತ ಬಿರಾದಾರ, ಶ್ರೀಮತಿ ಮೇಘ ಪಾಟೀಲ, ಶ್ರೀಮತಿ ರಾಜಬಿ ಬಿದರಿ, ಶ್ರೀಮತಿ ತನುಶ್ರೀ ಮಹೇಂದ್ರಕರ್, ಶ್ರೀಮತಿ ಶಂಕ್ರಮ್ಮ ಕಿರ್ದಹಳ್ಳಿ, ಶ್ರೀಮತಿ ನಾಗರತ್ನ ಮೈಲೇಶ್ವರ, ಶ್ರೀಮತಿ ಮುಬಿನ ಮುರಾಳ, ಶ್ರೀಮತಿ ಬೋರಮ್ಮ ಜ್ಯೋತಿ ಪೊಲೀಸ ಪಾಟೀಲ, ಶ್ರೀಮತಿ ಶೃತಿ ಚೌದರಿ ಹಾಗೂ ಶ್ರೀಮತಿ ಹೀನಾಕೌಸರ ಸನದಿ ಸೇರಿದಂತೆ ಸರ್ವ ಗುರು ಬಳಗದವರು ಮತ್ತು ಮುದ್ದು ವಿದ್ಯಾರ್ಥಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿ, ಯಶಸ್ವಿಗೊಳಿಸಿದರು.
ವರದಿ: ಸಂಗನಗೌಡ ಗಬಸಾವಳಗಿ, ತಾಳಿಕೋಟೆ.