ਚਰਨਜੀਤ ਸਿੰਘ ਚੰਨੀ ਨੂੰ ਮਿਲਿਆ 'ਸੰਸਦ ਰਤਨ ਪੁਰਸਕਾਰ 2025', ਪੰਜਾਬ ਦੀ ਜਨਤਾ ਨੂੰ ਕੀਤਾ ਸਮਰਪਿਤ
ਕੇਂਦਰੀ ਮੰਤਰੀ ਕਿਰੇਨ ਰਿਜਿਜੂ ਨੇ ਸਨਮਾਨਿਤ ਕੀਤਾ, ਜਲੰਧਰ ਦੀ ਜਨਤਾ ਦਾ ਚੰਨੀ ਨੇ ਕੀਤਾ ਧੰਨਵਾਦ
ਨਵੀਂ ਦਿੱਲੀ:( 26ਜੁਲਾਈ)ਕਾਂਗਰਸ ਦੇ ਸੰਸਦ ਮੈਂਬਰ ਚਰਨਜੀਤ ਸਿੰਘ ਚੰਨੀ ਨੂੰ ਸੰਸਦ ਰਤਨ ਪੁਰਸਕਾਰ 2025 ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਪੁਰਸਕਾਰ ਉਨ੍ਹਾਂ ਨੂੰ ਸੰਸਦ ਵਿੱਚ ਉਤਕ੍ਰਿਸ਼ਟ ਭੂਮਿਕਾ ਨਿਭਾਉਣ ਅਤੇ ਲੋਕ-ਹਿਤ ਦੇ ਮੁੱਦੇ ਬੁਲੰਦ ਆਵਾਜ਼ ਵਿੱਚ ਰੱਖਣ ਲਈ ਦਿੱਤਾ ਗਿਆ।
ਇਹ ਪੁਰਸਕਾਰ ਕੇਂਦਰੀ ਕਾਨੂੰਨ ਮੰਤਰੀ ਕਿਰੇਨ ਰਿਜਿਜੂ ਵੱਲੋਂ ਦਿੱਤਾ ਗਿਆ। ਸਮਾਰੋਹ ਦੌਰਾਨ ਕਿਰੇਨ ਰਿਜਿਜੂ ਨੇ ਕਿਹਾ:
"ਲੋਕਤੰਤਰ ਵਿੱਚ ਉਹ ਆਵਾਜ਼ਾਂ ਜੋ ਜਮੀਨੀ ਹਕੀਕਤ ਨੂੰ ਸੰਸਦ ਤੱਕ ਲੈ ਜਾਂਦੀਆਂ ਹਨ, ਉਹ ਸਾਡੀ ਸਾਰਿਆਂ ਲਈ ਪ੍ਰੇਰਣਾ ਦਾ ਸਰੋਤ ਹੁੰਦੀਆਂ ਹਨ।"
ਇਸ ਮੌਕੇ ਤੇ ਚਰਨਜੀਤ ਸਿੰਘ ਚੰਨੀ ਨੇ ਕਿਹਾ:
"ਮੈਂ ਜਲੰਧਰ ਲੋਕ ਸਭਾ ਹਲਕੇ ਦੀ ਜਨਤਾ ਦਾ ਤਹਿ ਦਿਲੋਂ ਧੰਨਵਾਦ ਕਰਦਾ ਹਾਂ, ਜਿਨ੍ਹਾਂ ਦੇ ਵਿਸ਼ਵਾਸ ਅਤੇ ਪਿਆਰ ਨਾਲ ਮੈਂ ਸੰਸਦ ਤੱਕ ਪਹੁੰਚਿਆ। ਇਹ ਪੁਰਸਕਾਰ ਮੈਂ ਪੰਜਾਬ ਦੀ ਜਨਤਾ ਨੂੰ ਸਮਰਪਿਤ ਕਰਦਾ ਹਾਂ। ਮੈਂ ਵਾਅਦਾ ਕਰਦਾ ਹਾਂ ਕਿ ਅੱਗੇ ਵੀ ਪੰਜਾਬੀਆਂ ਦੀ ਅਵਾਜ਼ ਨਿਰਭੀਕਤਾ ਨਾਲ ਸੰਸਦ ਵਿੱਚ ਉਠਾਂਦਾ ਰਹਾਂਗਾ।"
---
