सातारा: गणेशोत्सवातील उत्कृष्ट मंडळांना मिळणार पुरस्कार

सातारा: गणेशोत्सवामध्ये उत्कृष्ट कार्य करणाऱ्या सार्वजनिक गणेशोत्सव मंडळांना पर्यटन व सांस्कृतिक कार्य विभागाकडून पुरस्कार दिला जाणार आहे. यासाठी जिल्हास्तरावर एक समिती स्थापन करण्यात आली आहे.
स्पर्धेचे स्वरूप:
ही समिती गणेशोत्सवाच्या ठिकाणी प्रत्यक्ष भेट देऊन प्रत्येक मंडळाचे मूल्यांकन (गुणांकन) करेल. त्यानंतर, उत्कृष्ट कामगिरी करणाऱ्या तीन गणेशोत्सव मंडळांची निवड करून त्यांची नावे सर्व आवश्यक कागदपत्रे आणि व्हिडिओसह राज्य समितीकडे शिफारस केली जाईल. ही शिफारस जिल्हाधिकारी यांच्यामार्फत संचालक, पु. ल. देशपांडे महाराष्ट्र कला अकादमी, मुंबई यांच्याकडे सादर केली जाईल.
अर्ज करण्याची पद्धत:
या स्पर्धेत सहभागी होण्यास इच्छुक असलेल्या मंडळांनी गणेश चतुर्थीच्या एक दिवस आधी 'mahotsav.plda@gmail.com' या ईमेलवर अर्ज करण्याचे आवाहन जिल्हाधिकारी संतोष पाटील यांनी केले आहे.
अवाहन:
या स्पर्धेत जास्तीत जास्त मंडळांनी सहभागी व्हावे, असे आवाहन जिल्हाधिकारी पाटील यांनी केले आहे. या स्पर्धेच्या निकालासंदर्भात स्वतंत्रपणे सूचना देण्यात येतील.