बऱ्हाणपुर येथे ७९ वा स्वातंत्र्य दिन उत्साहात साजरा करण्यात आला.

बऱ्हाणपुर (पाटिलपाडा) येथे स्वातंत्र्य दिन मोठ्या उत्साहात साजरा करण्यात आला. स्थानिक अंगणवाडीच्या पटांगणात आयोजित या कार्यक्रमात गावचे पोलिस पाटील श्री. रविंद्र पुंजारा यांच्या हस्ते ध्वजारोहण करण्यात आले. ध्वजारोहणावेळी राष्ट्रीय ध्वजाला सलामी देऊन उपस्थितांनी देशभक्तीची भावना व्यक्त केली.
या कार्यक्रमाला पाटिलपाडा अंगणवाडीच्या शिक्षिका श्रीमती भारती पाटील, मदनीस शैला उमतोल, गावचे प्रतिष्ठित नागरिक श्री. तुकाराम रजपूत यांसह नवतरुण कार्यकर्ते मंगेश, सुरज, प्रदीप, अजय, दिलीप, विशु, रूतिक, निखिल, नितीन, रोहित, रोशन, जगदीश तसेच अंगणवाडीतील लहान मुले मोठ्या संख्येने उपस्थित होती.
कार्यक्रमादरम्यान काही पाहुण्यांनी मार्गदर्शनपर भाषणं करून नवतरुण पिढीला समाजकार्य, शिक्षण आणि देशभक्तीचे महत्त्व पटवून दिले. या भाषणांमुळे उपस्थितांमध्ये प्रेरणा आणि उत्साहाचे वातावरण निर्माण झाले.
स्वातंत्र्य दिनाचा हा कार्यक्रम यशस्वीरीत्या पार पडण्यासाठी गावातील सर्व कार्यकर्त्यांनी सहकार्य केले. कार्यक्रमाचे सुत्रसंचालन श्री. भरत पुंजारा यांनी प्रभावीपणे करून उपस्थितांचे मन जिंकले.
या कार्यक्रमातून गावकऱ्यांनी एकतेची आणि देशप्रेमाची भावना दृढ केली. तिरंग्याच्या साक्षीने घेतलेली देशसेवेची शपथ, नवतरुणांच्या चेहऱ्यावर उमटलेला आत्मविश्वास आणि लहानग्यांच्या डोळ्यांतील स्वप्नं – या सगळ्यांनी बऱ्हाणपुर (पाटिलपाडा) चा स्वातंत्र्य दिन अविस्मरणीय बनवला.