नूतन ज्ञान मंदिर विद्यालयात पंतप्रधान माननीय नरेंद्रजी मोदी साहेब यांच्या वाढदिवसानिमित्त निबंध व चित्रकला स्पर्धा संपन्न

अडावद (वार्ताहर )- अडावद ता चोपडा येथील नूतन ज्ञान मंदिर माध्यमिक व उच्च माध्यमिक विद्यालयात माननीय शिक्षण संचालक महाराष्ट्र राज्य पुणे यांच्या पत्रानुसार विद्यालयाचे मुख्याध्यापक श्री आर जे पवार सर, उपमुख्याध्यापक श्री एस के भंगाळे सर, पर्यवेक्षक श्री के आर कनखरे सर यांच्या मार्गदर्शनाखाली आज दिनांक 17 सप्टेंबर 2025 रोजी भारताचे पंतप्रधान माननीय नरेंद्रजी मोदी साहेब यांच्या 75 व्या वाढदिवसानिमित्ताने शालेय विद्यार्थ्यांसाठी भव्य निबंध व चित्रकला स्पर्धेचे आयोजन करण्यात आले होते. निबंध स्पर्धेत 78 विद्यार्थ्यांनी सहभाग नोंदवला तर चित्रकला स्पर्धेत 57 विद्यार्थी सहभागी झाले होते. निबंध स्पर्धेसाठी श्री के आर कनखरे सर, श्री सी जी परदेशी सर यांनी कामकाज पाहिले. तर चित्रकला स्पर्धेसाठी कला शिक्षक श्री एम पी तायडे सर यांनी कामकाज पाहिले. त्यांना श्री पी डी चौधरी सर, श्री व्ही एल राठी सर, श्री बी के साळुंखे सर श्री ए एस बिऱ्हाडे सर यांनी सहकार्य केले. दोन्ही स्पर्धांमधील प्रथम द्वितीय आणि तृतीय क्रमांकाच्या विद्यार्थ्यांची नावे तालुकास्तरावर पाठविले जाणार आहेत.