स्थानिक गुन्हे शाखेची कारवाई — राज्य शासनाने प्रतिबंधित केलेल्या गुटख्याची वाहतूक करणारा आरोपी अटक, ₹५.२० लाखांचा मुद्देमाल जप्त.

स्थानिक गुन्हे शाखेची कारवाई — राज्य शासनाने प्रतिबंधित केलेल्या गुटख्याची वाहतूक करणारा आरोपी अटक, ₹५.२० लाखांचा मुद्देमाल जप्त.

लातूर जिल्ह्यात अवैध धंद्यांवर आळा घालण्यासाठी लातूर जिल्हा पोलीस दलाने सुरू केलेल्या विशेष मोहिमेअंतर्गत स्थानिक गुन्हे शाखा, लातूर यांनी दिनांक १९/११/२०२५ रोजी कारवाई करत राज्य शासनाने प्रतिबंधित केलेले तंबाखूजन्य पदार्थ (गुटखा) अवैधरीत्या वाहतूक करणाऱ्या एकास पकडले. या कारवाईत एकूण ₹५,२०,०००/- किंमतीचा प्रतिबंधित गुटख्याचा मुद्देमाल जप्त करण्यात आला आहे.

दिनांक १९/११/२०२५ रोजी स्थानिक गुन्हे शाखेच्या पथकाला बातमीदाराकडून खात्रीशीर माहिती मिळाली की,रोहिणा ते बोथी रोडमार्गे पांढरी स्विफ्ट डिझायर कारमध्ये महाराष्ट्र शासनाने प्रतिबंधित केलेला गुटख्याची वाहतुक केली जाणार आहे. पथकाने बोथी तांडा–रोहिणा रोडवर सापळा लावून १७.५५ वाजता रोहिणा गावाच्या बाजूने पांढऱ्या रंगाची स्विफ्ट डिझायर कार अडवून झडती घेतली. कारची तपासणी करताना डिक्कीमध्ये, पाठीमागील सीटखाली पांढऱ्या व खाकी रंगाच्या पोत्यांमध्ये प्रतिबंधित गुटखा आढळून आला. त्या मध्ये विमल पान मसाला,V-1 तंबाखू चे एक लाख वीस हजार रुपयाचा मुद्देमाल तसेच चार लाख रुपयाची स्विफ्ट डिझायर कार क्रमांक MH 05 AX 9610 असा एकूण ₹५,२०,०००/- रुपयाचा मुद्देमाल जप्त करण्यात आला. अभय दिनेश सोळंके,वय ३० वर्षे रा. मुंगी, ता. धारूर, जि. बीड हा राज्य शासनाने प्रतिबंधित केलेला गुटखा विक्री व अवैध व्यापार करण्याच्या उद्देशाने वाहतूक करत असल्याचे निष्पन्न झाल्याने त्याच्याविरुद्ध कलम १२३, २७४, २०५, २२३ – भारतीय दंड संहिता (BNS) अन्वये चाकूर पोलीस स्टेशन येथे गुन्हा नोंद करण्यात आला आहे.आरोपीला ताब्यात घेऊन पुढील तपास सुरू आहे.
सदरची कारवाई पोलीस अधीक्षक श्री.अमोल तांबे यांचे निर्देशावरून, अपर पोलीस अधीक्षक श्री. मंगेश चव्हाण यांचे मार्गदर्शनात स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वातील पथकामधील पोलीस उपनिरीक्षक प्रमोद देशमुख,पोलीस अंमलदार संजय कांबळे, सुर्यकांत कलमे,पाराजी पुठेवाड यांनी केली आहे.