नगराध्यक्ष पदासाठी स्थानिक नेतृत्वाची गरज – आमदार अनिल पाटील यांचे अमळनेरकरांना आवाहन

नगराध्यक्ष पदासाठी स्थानिक नेतृत्वाची गरज – आमदार अनिल पाटील यांचे अमळनेरकरांना आवाहन

अमळनेर प्रतिनिधी: – अमळनेर नगरपरिषद निवडणूक 2025 च्या पार्श्वभूमीवर आमदार अनिल पाटील यांनी जनतेकडे एक महत्वाचे आवाहन केले आहे. त्यांनी सांगितले की, नगराध्यक्ष हा पदासाठी स्थानिक रहिवासी उमेदवार असावा, जेणेकरून शहराला २४ तास तत्पर सेवा मिळू शकेल.
आमदार पाटील यांनी शहर विकास आघाडीच्या उमेदवार जितेंद्र हरिश्चंद्र ठाकूर यांची नगराध्यक्ष पदासाठी उमेदवारी जाहीर करताना त्यांच्या कार्यक्षमतेवर, जनहिताची आवड आणि स्थानिक असण्याच्या महत्वावर भर दिला. पत्रकारितेतून अनेक वर्षे सेवा देत स्वतःला घडवलेल्या जितेंद्र ठाकूर यांना त्यांच्या कणखर व्यक्तिमत्वामुळे आणि परिचित असण्यामुळे २४ तास सेवा देणे शक्य आहे, असेही त्यांनी सांगितले.
अनिल पाटील यांनी विरोधकांकडून बाहेरगावाहून उमेदवार आणल्याबद्दल चिंता व्यक्त केली. त्यांचा असा इशारा होता की, नगराध्यक्ष पद हे हौसाचे नसून एक मोठी जबाबदारी आहे, त्यामुळे बाहेरचा उमेदवार शहरासाठी सातत्याने उपस्थित राहणार नाही. त्यामुळे अमळनेरकरांनी स्थानिक उमेदवारांना संधी देणे आवश्यक आहे, असे आवाहन त्यांनी केले.
आमदारांनी सर्व मतदारांना विनंती केली की, जितेंद्र ठाकूर व शहर विकास आघाडीच्या सर्व उमेदवारांना विजयी करून स्थानिक नेतृत्वास प्रोत्साहन द्यावे, ज्यामुळे नगरपरिषदेकडे सातत्याने आणि कार्यक्षम नेतृत्व मिळू शकेल.