ఎన్‌టిపిసి లో వింటర్ జెమ్ కార్యక్రమం ముగింపు

పెద్దపల్లి, గోదావరిఖని, జనవరి 12 తెలంగాణ రిపోర్టర్: జెమ్ విద్యార్థుల కోసం నిర్వహించిన శీతాకాల శిక్షణా కార్యక్రమం ముగింపు వేడుకతో ఎన్‌టిపిసి పిటిఎస్‌లోని కాకతీయ ఆడిటోరియంలో వింటర్ జెమ్ కార్యక్రమం విజయవంతంగా ముగిసింది. ఈ కార్యక్రమం జ్యోతి ప్రజ్వలన మరియు ఎన్‌టిపిసి గీతాలాపనతో ప్రారంభమైంది. ఎగ్జిక్యూటివ్ డైరెక్టర్ (ఆర్&టి) చందన్ కుమార్ సమంత, డిఎంఎస్ అధ్యక్షురాలు రాఖీ సమంతతో కలిసి పాల్గొన్నారు. హెచ్‌ఆర్ హెడ్ బిజోయ్ కుమార్ సిక్దర్ సభికులను ఉద్దేశించి ప్రసంగించారు. విద్యార్థులలో ఆత్మవిశ్వాసం, క్రమశిక్షణ మరియు సంపూర్ణ అభివృద్ధిని పెంపొందించడంలో ఇటువంటి కార్యక్రమాల ప్రాముఖ్యతను తెలియజేశారు.జెమ్ విద్యార్థులు ఈ కార్యక్రమంలో తాము నేర్చుకున్న విషయాలను మరియు సృజనాత్మకతను ప్రదర్శిస్తూ సాంస్కృతిక ప్రదర్శనలు ఇచ్చారు. శిక్షణను విజయవంతంగా పూర్తి చేసినందుకు గుర్తింపుగా పాల్గొన్న వారికి ధృవపత్రాలు పంపిణీ చేశారు. జెమ్ 2025 ముగింపు సందర్భంగా ఈడీ (ఆర్&టి) కూడా తన ఆలోచనలను మరియు అభిప్రాయాలను పంచుకున్నారు.
డిజిఎం (హెచ్‌ఆర్) ప్రవీణ్ కుమార్ చౌదరి వందన సమర్పణతో కార్యక్రమం ముగిసింది. వింటర్ జెమ్ కార్యక్రమం సమాజ అభివృద్ధి మరియు యువత సాధికారత పట్ల ఎన్‌టిపిసి యొక్క నిరంతర నిబద్ధతను ప్రతిబింబిస్తున్నారు.