ఫ్రెండ్స్ వెల్ఫేర్ అసోసియేషన్ మరియు CPIM పార్టీ, దుగ్గిరాల మండల శాఖ-ముత్యాల ముగ్గుల పోటీలు.....

తేదీ: 13-01-2026* మన సంస్కృతి, సాంప్రదాయాలకు ప్రతీకలే పండుగలు. సంక్రాంతి పర్వదినాన్ని పురస్కరించుకొని ఫ్రెండ్స్ వెల్ఫేర్ అసోసియేషన్ మరియు CPIM దుగ్గిరాల మండల శాఖ సంయుక్త ఆధ్వర్యంలో దుగ్గిరాల గ్రామంలో 5 ప్రదేశాలలో మహిళలకు ముగ్గుల పోటీలు నిర్వహించడం జరుగుతుంది. దానిలో భాగంగా ఈరోజు దుగ్గిరాల గ్రామంలో గల నాగేంద్ర నగర్ మరియు రామాలయం దగ్గర ముగ్గుల పోటీలు నిర్వహించడం జరిగింది. పోటీలలో గెలుపొందిన వారికి ప్రథమ, ద్వితీయ, తృతీయ మరియు 5 ప్రోత్సాహక బహుమతులు అందజేయడం జరిగింది. విజేతలకు బహుమతి ప్రదానం చేసిన అనంతరం ఫ్రెండ్స్ వెల్ఫేర్ అసోసియేషన్ కన్వీనర్ తాడిబోయిన రామస్వామి యాదవ్ మరియు CPIM నాయకులు బాలరాజులు మాట్లాడుతూ " *పరిశుభ్రత, ఆరోగ్యం, అలంకరణల మేళవింపే ముగ్గులు"* అని అన్నారు. " *ఈ పోటీల వలన మహిళలలో ఉన్న సృజనాత్మక శక్తి వెలికి రావడానికి అవకాశం ఉంటుంది. పట్టణీకరణ నేపథ్యంలో అపార్టుమెంట్ల సంస్కృతి పెరిగిన తరువాత భారతీయ సంస్కృతి, సంప్రదాయాలు నానాటికి కనుమరుగవుతున్నాయి. నేటి యువతరం కూడా మన ప్రాచీన సంస్కృతి, సంప్రదాయాలు కొనసాగించేందుకై ఈ పోటీలు నిర్వహిస్తున్నాము"* అని అన్నారు. " *ఈ ముగ్గుల వలన పరిసరాలు పరిశుభ్రతగా ఉంటాయి. గోమయంతో కళ్ళాపి జల్లి బియ్యపుపిండితో ముగ్గులు వేయడం వలన బియ్యపు పిండి తినడానికి చీమలు చేరతాయి. ఆ విధంగా చీమలు క్రిమి కీటకాదులు ఇంటిలోనికి రాకుండా అడ్డుకుంటాయి. ఈ ముగ్గులు వేసే ప్రక్రియలో మహిళలు అనేక శరీరక భంగిమలలో పనిచేయవలసి ఉంటుంది. ఈ వ్యాయామ ప్రక్రియ వలన మహిళలలో అనేక గర్భకోశ వ్యాధులు రాకుండా ఉండేందుకు అవకాశం ఉందని వైద్యులు తెలిపారు. కావున ప్రతి మహిళ కూడా ప్రత్యేకించి ఈ ధనుర్మాసం మొత్తం నెలరోజులు అత్యంత ఉత్సాహంగా వేకువ ఝామున లేచి ముగ్గులు వేయడం ప్రారంభిస్తారు"* అని అన్నారు. ఈ పోటీలలో 60 మంది మహిళలు పాల్గొన్నారు. ఈ కార్యక్రమంలో స్థానికులు చొక్కాకుల శ్రీనివాస్ శ్రీమతి భవాని, శ్రీమతి బిందుశ్రీ, కుమారి శ్రావణి మరియు ఫ్రెండ్స్ వెల్ఫేర్ అసోసియేషన్ సభ్యులు పసుపులేటి. గణేష్ దేశబోయిన. బొర్రయ్య హనుమాన్, కుర్రా నాగయ్య తదితరులు పాల్గొన్నారు.