🏆 कर्तव्यपथावर महाराष्ट्राचा डंका! ७ वर्षांनंतर प्रथम क्रमांक पटकावत मानाचा तुरा

दिल्ली येथील कर्तव्यपथावर प्रजासत्ताक दिन सोहळ्यात सादर झालेल्या महाराष्ट्राच्या भव्य चित्ररथाने अवघ्या देशाचे लक्ष वेधून घेत प्रथम क्रमांकाचा मान पटकावला. तब्बल सात वर्षांनंतर महाराष्ट्राला हा बहुमान मिळाल्याने राज्याच्या सांस्कृतिक वैभवाचा पुन्हा एकदा राष्ट्रीय स्तरावर गौरव झाला आहे.
आज मंत्रीमंडळ बैठकीनंतर भारत सरकारकडून प्रदान करण्यात आलेले प्रथम क्रमांकाचे प्रमाणपत्र व सन्मानचिन्ह सांस्कृतिक कार्य विभागाच्या वतीने मुख्यमंत्री देवेंद्र फडणवीस जी, उपमुख्यमंत्री एकनाथ शिंदे जी आणि उपमुख्यमंत्री सुनेत्रा पवार जी यांना सुपूर्द करण्यात आले.
राज्याच्या या दैदिप्यमान यशाचे सर्व मान्यवरांनी भरभरून कौतुक करत सांस्कृतिक कार्य विभागाचे अभिनंदन केले.
यावेळी महसूलमंत्री चंद्रशेखर बावनकुळे जी तसेच सांस्कृतिक कार्य विभागाचे सचिव किरण कुलकर्णी उपस्थित होते.
महाराष्ट्राच्या समृद्ध परंपरा, लोककला आणि सांस्कृतिक वैभवाचे राष्ट्रीय पातळीवर झालेले हे दर्शन म्हणजे संपूर्ण राज्यासाठी अभिमानाचा क्षण ठरला आहे