👉“कायद्यापेक्षा कोणीही मोठे नाही” – दौंड नगरपरिषद प्रशासनाने कायद्याचे पालन करावे. 👉दौंड शहरातील काही नागरिकांक

Amar Madhukar Jogdand, Pune, Maharashtra (MH)

25/02/2026 11:50 PM

👉“कायद्यापेक्षा कोणीही मोठे नाही” – दौंड नगरपरिषद प्रशासनाने कायद्याचे पालन करावे.

👉“कायद्यापेक्षा कोणीही मोठे नाही”

– दौंड नगरपरिषद प्रशासनाने कायद्याचे पालन करावे.

👉दौंड शहरातील काही नागरिकांकडून अशी तक्रार प्राप्त होत आहे की दौंड नगरपरिषद येथील काही अधिकारी व कर्मचारी माहिती अधिकार अर्जदारांना योग्य माहिती देण्याऐवजी टाळाटाळ, भुलभुलय्या व पळवापळवीची भूमिका घेत आहेत. काही प्रकरणांमध्ये माहिती अधिकार अंतर्गत विचारलेल्या प्रश्नांना अपूर्ण किंवा दिशाभूल करणारी उत्तरे दिली जात असल्याची बाबही निदर्शनास आली आहे.

👉भारतामध्ये लागू असलेल्या माहितीचा अधिकार अधिनियम 2005 नुसार प्रत्येक नागरिकाला शासकीय कामकाजाबाबत माहिती मागण्याचा आणि ती वेळेत मिळण्याचा घटनात्मक अधिकार आहे. संबंधित अधिकारी व कर्मचाऱ्यांनी कायद्याचे पालन करणे ही त्यांची वैधानिक जबाबदारी आहे.

👉जर कोणत्याही अधिकारी किंवा कर्मचाऱ्याने जाणीवपूर्वक चुकीची माहिती दिली, माहिती लपवली किंवा अर्जदाराला त्रास दिला, तर त्या विरोधात अपील, तक्रार व दंडात्मक कारवाईची तरतूद कायद्यात स्पष्टपणे आहे. आवश्यकता भासल्यास राज्य माहिती आयोग तसेच न्यायालयीन स्तरावरही दाद मागितली जाईल.

👉प्रशासनाने राजकीय दबावाखाली किंवा इतर कोणत्याही कारणास्तव कायद्यापासून दूर जाऊ नये. लोकशाही व्यवस्थेत कायदा सर्वोच्च आहे आणि “कायद्यापेक्षा कोणीही मोठे नाही” हा मूलभूत सिद्धांत सर्वांनी पाळला पाहिजे.

👉दौंड शहरातील नागरिकांच्या हक्कांसाठी आणि पारदर्शक प्रशासनासाठी आवश्यक ते सर्व कायदेशीर पावले उचलण्यात येतील, असा इशारा यावेळी देण्यात येत आहे.

अमर मधुकर जोगदंड
RTI कार्यकर्ते व सामाजिक कार्यकर्ते
तालुका दौंड, जि. पुणे
ई-मेल: jogdand.amar1@gmail.com
मोबा.: 8888058805
DATE 26/02/2026

524 views

Comment

Write Your Comment...